Russiyə niqəranion barədə Azərbaycan Respublika xarıci vəzarətxonə reaksiya.
Azərbaycan Respublika xarıci vəzarətxanə sıxənəvot İlham Əliyevi sıxənon barədə Russiyə niqəranion dərk nıkardənin zınəş be.
Bə Azərtac aqentiyəti raporti əsos Hikmət Haciyev təkidış kardə ki Buko- Moskva miyono əloğəon anədə aliyə səthədəy ki İlham Əliyevi barədə jıqonə sıxənon dırıst ni və Moskva rəsmi şəxson bəbe ım mıvzo nəzərdə be qəton.
Tojədən çı İlham Əliyevi əcib ğəribə sıxənon cəvobədə Russiyə xarıci vəzarətxanə sıxənəvot Mariya Zaxaroa votışe: çı Azərbaycan Respublika iyən Ermənistoni miyono bevəcə və bohraninə vəziyətku Russiyə çok oğoe iyən Əliyevi ım curnə vindemonon bə bohrani kam kardde komək ni bəkay.
Azərbaycan Respublika prezident Bukoədə Yap partiya 6 nə umumiyə iclosədə elanış kardə: İrəvan çəmə tarixi sərzəmine və əmə bəbe ım sərzəmini ozod kəmon.
Çı Azərbaycan Respublika xarıci vəzarətxanə səxənəvot ijən iddiyaş kardə ki İlham Əliyevi məntəğəiyə siyasət məntəğə həmkarion və sulh iyən əmniyyəti təmin karde xidmətədəy iyən əmniyyətiyə bohranon kam karde bois bəbe.
