İbrahimi Turkəman de Azərbaycan Respublika dini və mədəni elitaon vindımonış kardə.

İroni islamiyə rabitə və mədəniyət təşkilati rəis ki bə Azərbaycan Respublika səfərış kardə, de ım kişvəri i dastə dini və mədəniyə elitaon vindımon və votımonış kardə.

Bə İrna raporti əsos İroni islamiyə rabitə və mədəniyət təşkilati rəis Əbuzər İbrahimi Turkəman ım vindımonədə bə İron və Azərbaycan Respublika miyono daemiyə rabitəon işorəş kardə ijən votışe: İron və Azərbaycan Respublika miyono ijən 2 qılə kişvəri milləton miyono əloğəon bə mədəni mıştərəkə mədəniyə xususiyəton xoto hiç faxt ğət ni bəbe.

Çı Azərbaycan Respublika dini və mədəni elitaon həm ım mıloğatdə İron və Azərbaycan Respublika miyono əloğəon çımiku vey inkişof və ozavziye tələb kardən ijən ım sahədə bəştə hozzo mande və mədəni muxtəlifə baxşonədə həmkarion əhəmmiyət təkid kardən.

İroni islamiyə rabitə və mədəniyət təşkilati rəis Əbuzər İbrahimi Turkəman 2 tərəfi mədəni və elmi əloğəon inkişof doe de Azərbaycan Respublika mədəniyyət və turizm vəzir Əbulfəzl Ğarayevi rəsmi dəvəti bərobər bə Buko səfərış kardə.