Sumğait hadisədə Russiyə və Ermənistoni mıdoxiləon barədə iddiyaon.
Azərbaycan Respublika xarıci vəzarətxanə sıxənəvot Sumığait şəhri hadisəon çı KGB və Ermənistoni plan zınəş be.
Bə Ğəfğaz mədəniyə mərkəzi raporti əsos, Hikmət Haciyev zinə sumığait şəhri xonibə hadisə soqardışədə votışe: Ğərəboği işğali ğənuni nışo doe xoto KGB və Erməniston Sumığaitədə həmonə xuninə plani icra kardən və hol ım ki ısət Ermənistoni tərəfiku ım hadisə təhrif be.
Haciyev təkidış kardə ki 30 sor çımiku bə nav Fevrali 27ədə Sumığait şəhri etıroz aksiyaon de bəzion təhrik və təşviği bino bıə əmmo Səveti prokrorəti hiç faxt amilonış ciddi peydo nıkardışe və əvoni cəzo doeku xəbə nıbe.
Əv bə İlham Əliyevi tojə ğərol və sərəncomon ijən hadisə barədə təhğiğ karde işorəş kardə və votışe: Səvet və Ermənistoni cəsusiyə təşkilaton bo Ğərəboği işğal karde ijən Ermənistoniku Azərion ixroz kardero ım plani icraşon kardə.
Miladi 1988 Fevrali 27 Sumığait saheliyə şəhri xuninə hadisədə 26 nəfər Erməni və 6 nəfər Azəri kıştə bıən.
Im şək şobhəinə aksiyaon barədə həğiğət hiç faxt ojə oşkor məlum nıbe.
