Azərbaycan Respublika prezidentəti vıjnımonədə iştirak kardeyu 15 nəfər namzəd bə.
Azərbaycan Respublika prezidenti vıjnımoni mərkəziyə kamisiya elanış kardə 15 nəfər bənə namzəd ım məmləkəti prezidenti vıjnımoni 8-ə devrədə ıştə nomışon ğeyd kardə.
Bə İRNA zinə xəbon əsosi çı 15 nəfəri miyonədə desbə ısət fəğət çı məmləkəti ısətnə president İlham Əliyevi səlahiyyət təsdiğ bə.
Bə Azərbaycan Respublika ğanoni əsosi ım məmləkəti prezidenti vıjnımonədə ıştə nomi bənə namzəd ğeyd karde şərt Azərbaycan Respublika 125 qılə vıjnımoni bərpo kardə mərkəzonku heç nıbo 60 qılə vıjnımonə mərkəziku şərayet bıə kəsonku 40 həzo imza cəm kardeye.
coqlə mərhələdə prezidenti vıjnımoni mərkəziyə kamisiya qırdə bə imzaon həxədə təhğiğ bəkay və əqər cəm bə imzaon təsdiğ bıbon ıştə nomi ğeyd əkə namzəd vıjnımoni rəğabətdə iştirak karde şərayeti bə dast bəvay.
