Azərbaycan Respublika Ermənistoni qıləy bepilotə təyyarə eğandışe.
Ğərəboği bandiyə məntəğədə bıə Ağdamədə Azərbaycan Respublika mudafiə vəzarətxanə çı Ermənistoni qıləy bepilot təyyarə eğandeku xəbəş do.
Bə Anadoli raporti Azərbaycan Respublika mudafiə vəzarətxanə qıləy bəyoniyədə elanış kardə: ım eğande bıə bepilotə təyyarə X-55 model be ki Ağdam məntəğədə iyən Azərbaycan Respublika hərbi təchizaton və əsqəronku cəsusi karde holədə be.
Azərbaycan Respublika mudafiə vəzarətxanə ijən çı Ermənistoni ım eğande bıə təyyarə şikili muntəşirış kardə.
Azərbaycan Respublika cənub ğərbədə bıə Ağdam nomo bıə şəhr qıləy be Sakin və teyli məntəğəy ki ısət Ermənioni işğal və kontrolədəy.
Azərbaycan Respublika və Ermənistoni miyono mınoğişə 1988-nə soriku bino bıə ijən 1994-nə soriku və otəş basti bə peştə de siyasi roon bə bohrani həl karde xoto fəaliyəton bino bıə əmmo Minsk qrup de Amerkə, Fransə və Russiyə mıştərəkə rəisəti hələ ım problem və mınoğişə həl kardəşon ni.
