İron və Nəxçivan moxtar Respublika miyono iğtisodi əloğəon.

Nəxçivan moxtar Respublikaədə İroni sərkonsul muxtəlifə ticari sahəon xususi mıştərəkə sərmoyəonədə bə İron və Nəxçivan moxtar Respublika miyono vey çokə əloğəon təkidış kardə.

Bə İrib raporti əsos Monsor Ayrem Nəxçivanədə İroni 3 nə nəvuziyə vıjon okarde mərasimədə əlovəş kardə: ım nımoyişqo dəvoniyə muxtəlifə sahəonədə məxsusən iğtisodi cəhətiku 2 qılə dıvləton miyono həmkarion inkişofi neşonəy.

İroni ğərbi Azərbaycan Respublika miyono çand sornə tarixi əloğə və mıştərəkə mədəniyət işorəş kardə ijən həminə həmkarion nığl kardero bə Nəxçivan moxtar Respublika rol təkidış ka.

Çı Nəxçivan moxtar Respublika məclesi moavin Azər Zeynalev həm ım mərasimədə dəvardə soronədə İron və Azərbaycan Respublika miyono əloğəon inkişofi vey omidabaxş və çok zınəş be və əlovəş kardə: jıqonə rabitəon bə iğtisodi fəaliyəton hevujəti komək bəkay.

Nəxçivanədə İroni 3 nə nəvuziyə vıjorədə 17 qılə şirkət İroni moxtəlif ostanonku huzurışone ki 570 ton muxtəlifə məhsulon 4 ruji mıddətdə bə həvoten.