Ərdoğan ijən Amerkə siyasətonış tənğid kardə.
Bə Suriyə Kırdə xalığ mudafiə nimə hərbion silohinə koməkon vığande dəvom peydo karde xoto Tırkiyə prezident ijən Amerkə siyasəton tənğidış kardə.
Bə Frans Peres raporti əsos Tırkiyə prezident zinə Stanbulədə ıştə tərəfdaron cəmədə votışe: Amerkə bəbe Kırdonku mudafiə iyən himoyə kardeku dast peqəti.
Rəcəb Təyyeb Ərdoğan ijən Suriyədə Tırkiyə canqiku himoyə dorti nıkardero Nato təşkilati tənğidış kardə.
Bə Suriyə Kırdon zidd çı Tırkiyə zeytoni xolə nomo bıə hərbiyə əməliyat yanvari 20-nə rujiku Suriyə şimal ğərb Əfrinədə bino be.
Çı Tırkiyə hərbiyə əməliyati həmzəman Suriyə şimal Ğərbədə bıə Əfrin şəhri Kırdon qıləy bəyoniyə vasitə ım hərbiyə əməliyati vədə Suriyə dıvləti himoyə və koməki tələb kardən ki Suriyə həm ğəbulış kardə.
Suriyə dıvlət çı Tırkiyə ım əməliyati məhkum və bə Suriyə təcavuz kardə hisob kardə.
