Vaezi:İron de Azərbaycan Respublika həmmə cəhətə həmkarətion inkişaf doe fikədəy.

İron İslam Respublika president aparati rəisi votışe:İron de Azərbaycan Respublika həmmə cəhətdə əlağon inkişaf doeyu bə veyə fəaliyyəton əncom doe fike.

Məhmud Vaezi zinə tehronədə de Azərbaycan Respublika ixtisad vəzir Şahin Mıstəfayevi təşkil doə vindımonədə ironi prezidenti bə Boku səfər karde nez beədə tojə baxşonədə həmkarəti imkanon fəal karde barədə işarəş karde və votışe: məntəğə ısətnə şərayetəndə muvcod bə no oromətion və radikalə hərəkəton muşahidə kardeədə İron və Azərbaycan Respublika prezidenton vindımon və muzakiron bokuədə ve əhəmmiyyətış heste çunki ha 2 qılə məmləkət əmniyyət və oroməti domoədə hestin və de radikalə hərəkəton canq dave və təcavoz muxalifin.