Nəvuzə idədə çe İrono bə Boku çanədə turist bome

Nəvuzə idədə İroni xalq 2 həftə muddətinə Nuə sorə tətil dəvunidə, bo İstirahət karde ro bə xarici məmləkəton, bə Az.R-ən əz-cumlə, bə turistə səyahət şedən.

"Press-az.com" sayt bə Azərbaycan Turizmə Assosasiya istinadən proqnoz dodə ki, ımsor Nəvuzə idi vaxti bə Respublika çe İİR-ku omə turiston miğdar kam bəbe. Çunki bə ponə sori nisbətədə xidməti muəssisə ğiyməton 8,6% boho bıən. Həmən ım tendensiya çand sore ki, inkişaf kardedə. Məsələn, 2017-minə sori bə 2016-minə sori nisbətən mehmanxana xidməti ğıyməton 3,8, kafe və restoran xiidməti ğıyməton isə 10,6% ziyod bıən.

İğtisadşunas-ekspert Natiğ Cəfərli votedə ki, məmləkəti xidmətə sektori əsasə məğsəd turist cəlb karde ne, mumkun ğədər vey pul ğəzənc kardeye. Bı səbəbən dəvardə sori İrono bə Az.R omə turiston miğdar 50%, bə Qurcistan şə ironıjə turiston miğdarisə 400 % vey bıə.

Təhlilqər Ğubad İbadoğluən  turizmə xidməton boho bıeədə bo turiston bə Azərbaycan Respublika səfər karde ro yolə maneə vindedə. Əv votedə ki, Qurcistanədə har 1 nəfər turist de miyonə hisobi 291 dollar, çəməku isə 524 dollar xarc kardedə. Həmən Qurcistani turistə obyektonədə istirahət və əyləncə imkanon bə Az.R nisbətədə hartərəfin bıe, çey bəştə keşvər vey miğdarədə turist cəlb karde səbəb bedə.