Prezident Həsən Ruhani bə Az.R səfəri nəticon

İİR Prezident Həsən Ruhani marti 28-29-minə rujonədə Az.R-ədə rəsmi səfərədə bıə. De Prezident İlham Əliyevi vindemon dəvuniəşe. İroni və Az.R hokuməti numayəndon dı qılə devləton arədə sənaye, maliyyə, enerqetika, səhiyyə, mualicə və tibbi təhsil, vərzeş və turizm, həniən co sahonədə həmkarəti dair çe Prezidenton huzurədə sənəd, saziş və memorandumon imza kardışone.

İİR Prezidenti muavin Məsumə Ebtekariən de Az.R vitse-prezident Mehriban Əliyeva didorış bıə. Əvon di qılə devləti arədə hartərəfinə əlağon inkişafi bo çəmə xalqon rifahi məxsusi əhəmiyyət ğeyd kardəşone.

Marti 29-minə ruji Heydər Əliyev mərkəzədə de Prezidenton iştiraki Azərbaycan - İron iğtisadi forum dəvarde. Əliyevi bı forumədə votışe ki, çəmə xalqon əsron dırozi i vırədə jimon kardəşone. Çəmə vahid tarix və mədəniyyət bo çəmə ımrujnə əlağon inkişafi ro əsasə cəhəte.

Prezident Həsən Ruhaniən dı qılə devləton arədə ictimai - iğtisadi jimoni həmə sahonədə bo həmkarəti və inkişafi vey yolə potensialon mevcud bıe ğeyd kardəşe.

Çəyo Prezidenton Natəçolədə "Azərmaş" və "İranxodro" şirkəton bahəm ononə "Xəzər" nominə avtomobil zavodi obemonə mərasim dəvuniəşone, çey simvolik knopka eqətəşone.

İlham Əliyevi çe Prezident Həsən Ruhani ım səfəri muvəffəğiyyətin bıe və çokə nəticəon doe ğeyd kardəşe.