Ermənistonədə ijən etıroz aksiyaon.

İrəvani əsli meydon zinə şəv həm Serj Sirkisiyani muxalifon etıroz aksiyaon meydon be.

Bə İrib raporti əsos dıvləti muxalif partiya lider Nikol Paşiniyan ijən cəmaətiş bə etıroz aksiyaonədə iştirok karde dəvət kardə əv polis ğıvvonış təhrik kardə ki hukuməti ozvi etıroz aksiyadə cəmaəti peştədə be mandon.

Paşiniyan votışe: əmə qıləy ozod və mıstəğilə kişvəri tələb kardedəmon əmmo Serkisiyan hejo kişvəri bə diktatori tərəf baredə.

Əv ijən cəmaətış bə roon bastə və etırozon şiddəti hevuj karde təşviğ kardə.

Muxalif partiya lideri ım etırozon anədə her hevujəti dəvom peydo karde qıləy şərayetədəy ki Sekisiyan Paşiniyanış bə muzakirə və bohrani siyasi cəhətiku həl karde dəvət kardə.

Ermənistoni parlament pəynə ım kişvəri navnə prezident Serj Serkisiyani bənə ım kişvəri tojə i minə vəzir intixobış kardə.

Serkisiyan ım intixabi bəpeştə parlamentədə nıtği vasitə kişvərədə əmniyyət, ərtışi zumand karde iyən Ğərəboği həl karde ıştə i minə fik məşğuli və piri riyort elan kardə.

Əv əlovəş kardə: tojə dıvləti vey muhimmə hədəf bə inkişofi tərəf hərəkət karde iyən kişvəri partiyaon miyono vəhdəti icod karde heste.