Ermənistoni parlamentədə Paşiniyani məğlubiyət.

Ermənistoni parlamentədə dıvləti muxalifə partiya və qrupi sədr bənə mıvəğğətə iminə vəziri intixab nıbe.

Bə Royterz aqentiyəti raporti əsos Erməniston dıvləti muxalifon sədr Nikol Paşiniyan həminə məğlubiyəti bəpeştə elanış kardə ki hakim partiya bə milləti əleyh canqi elanış kardə və çı dıvləti fəaliyəti bə oxo rəsə tələb kardə.

Əv həminə sədoş bə millət be ehtıromtəti karde vəsf kardə ijən ıştə tərəfdaronış dəvət kardə ki hejo parlamenti ətrofədə bemandon.

Im tələb qıləy şəroyetədə elan bıə ki əv parlamentədə səçıni bənav, muxalifə qrupon iyən ıştə tərəfdaronku etırozon bə oxo rosniye iyən bə kə şe tələb kardə be.

Isət Nikol Paşiniyan rəsmən ımrujnə ruji Ermənistonədə kutləvi surətədə etırozon ruj elanış kardə ijən ıştə tərəfdaronış bə xiyobonon, ayrporton iyən co həssas vırəon baste dəvət kardə.

Ermənistonədə dəvardə 3 haftə etıroz aksiyaon illət serj serkisiyani bənə kişvəri i minə vəzir vıjniyə ğeyd bıə.

Serkisiyan ki çımiku bə nav Ermənistoni prezident be de dıvlət sistemi əvəz bey parlamentədə bənə i minə vəzir vıjniyə bıə be.