315 nəfər zair Ostoro terminaliku bə Məşhəd və Kərbəlo şən.
İroni Ostoro sərhəddiyə terminali mudir votışe: Şəbaniyə bərəkətinə idon əyyamədə Rusiyə və Azərbaycan Respublika mısılmononku 315 nəfər zair İroni Ostoro terminaliku bə İron varid bey bəpeştə bo ziyorət kardero bə Məşhəd iyən Kərbəlo səfər kardən.
Bə İrna raporti əsos Cəlal Diyansai əlovəş kardə: ım səfəri cərəyonədə Şəbaniyə idə əyyami mərasimonədə iştirok karde iyən roədə çandə İmomzodəon ziyodət karde kərvonon bərnoməonin.
Ostoro zəminiyə terminalədə şe ome veyni bə İron və Azərbaycan Respublika şəhrvandon aide əmmo Rusiyə, Qurcıstan, Tırkiyə, İrağ, Çin, Fransə, Almaniya, Polşa, Okraniya, Pakiston, Əfğanestan, Belarus, İ Bıə Ərəbon Əmirəti və Ğəzaxıstoni şəhrvandon həm ım zəminə terminaliku istifodə kardən.
Ostoro sərhəddiyə şəhri terminal çı İroni 3-nə vey izdihominə terminale.
