Aya şımə hiç Ərbəyini şemonon təcrubə kardəyone?

Dınyoədə iştimoyi mehmonpərvərəti həmməysə dıjdə nımunə hisob kardey bıə tədbir İrağədə bərpo beydə.

Çandə sorone ki,İmom Huseyni(ə) ğıyomi yol qətey mərosim İrağədə çı dınyo har vırəku 20 milyonisə ziyodə ozodə insonış bə ivrə cəmış kardə. Məhəmməd Peyğəmbəri(s) nəvə İmom Huseyn(ə) bo ədoləti bərpo kardey və cəmiyyəti isloh kardero bə Yezidi hakimiyyəti ələyh ğıyomış karde. Əv,Milodi 680-ə sori şəhid be və Ərbəyini mərosim çəy irsi əziz qəteyro bərpo kardey beydə.

Çın ziyorəti heyrətamizə aspektonku qıləyni həm çe İraği xalği səxovət və mehmonpərvərətiye.

Bə Kərbəlo şeyə piyodə roon dırozi İraği xıyzonon təxminən dı haftə ərzədə hardemon,ov,istirohəti vırə və diqər xıdməton təmomən bepul təmin kardedən.

İrağıjon və diqər kişfəronku bıə fədoyion tərəfiku onə bıə xıdməti xıyməon(ğəbuli məntəğəon), hiç qıləy maddi mıkofot çəş nıkardə holədə Çandə milyon bepulə xorək,istirohət kardə vırə və tibbi xıdməton nışon doydən.

Analitikon votedən ki,ın spontan iştimoyi mehmonpərvərəti model,sosyal idorəkardey sahədə bemisle.

Eksperton votedən ki,hiç qıləy onemon jıqo qıləy dıjdə tədbiri loqistika mutəmərkizə şikilədə plan kəşey nıəzıni.

Əvon bovəşon heste ki,jıqo qıləy fevğəlodə səviyyədə koordinasiya fəğət çe iştirokçiyon mıştərəkə bovə ehdəmon və kollektivə rufi sayədə mumkin bıə.

Ziyorəti roon əmniyyət de İraği xalği və hukuməti mıştrəkə səyon təmin kardey beydə.Imsor Ərbəyin 4 avqustədə bərpo kardey bəbe.