Dəmirtaş Tırkiyə prezident iyən Avropa siyasətonış tənğid kardə.

Tırkiyə prezidentəti səçıni məhbusə namzəd ım kişvəri prezident iyən Avropavıjə kişvəronış tənğid kardə.

Bə İsna raporti əsos Tırkiyə Xalığ demokratik partiya namzəd Səlahuddin Dəmimirtaş votışe: Tırkiyədə vey partiyaon Kırdon və Tırkon miyono daveon sulhin royku həl karde domuədən əmmo de Ərdoğan rəhbərəti əkə ədolət və inkişof partiya jıqo etığadış ni.

Tırkiyə Xalığ demokratikə partiya navnə lider zindonədə ıştə vəziyət iyən dəstqir bey ğeyri ğanuni zınəş be və votışe: Tırkiyədə məhkəmə təşkilati mıstəğil ni bey xoto hukumət çandə siyasi və məhkəmə koonədə mudaxilə kardedə.

Dəmirtaş ijən Tırkiyədəbıə Miladi 2016-nə sori hərbi məğlub bıə peqardemoni bəpeştə hevujə dəstqirion məhkumış kardə iyən votışe: bə Tırkiyə siloh həvotə ijən ım sahədə çandə Avropavıjə kişvəron mənfeət iyən faydon bə dast varde xoto əvon Tırkiyədə bəşər həxon rioyət nı bey bardə sukut kardən.

Tırkiyə ome prezidentəti səçınədd çı Xalığ demokratik partiya məhbos namzəd 2016-nə sori Noyabriku çı P.KA.KA qrupiku himoyə dorti karde xoto dəstqir və həbs bıə.