Eldəniz Ğuliyev: Ğuds beynəl xalğiyə ruji aksiya bəbe əzəmətin bərpo bıbu.

Azərbaycan Respublika ruşin fikon icma rəis bə Ğuds beynəl xalğiyə ruji aksiya əzəmətin iyən hevuj dəvoniye təkidış kardə.

Bə Ğəfğaz mədəniyə mərkəzi raporti əsos Eldəniz Ğuliyev bə Ğuds beynəl xalğiyə ruji aksiyaon dəvoniyə əhəmiyyət işorəş kardə və votışe: fəğət mısılmonon miyono vəhdət karde bəzne sionist rejimi vəhşiyə cinoyəton mane bıbu.

Eldəniz Ğuliyev əlovəş kardə: İmom Xomeyni(r) çımiku bə nav mısılmonon bə vəhdət dəvət kardə be ki ım dəvət sionist rejimi dılədə tars iyən niqəranion icod kardə.

Ğərəboğ islamiyə mığovimət hərəkati lider Hac Ruşən Əhmədli həm bə Ğuds beynəl xalğiyə ruji əhəmiyyət işorəş kardə iyən votışe: maştə Bokuədə bıə Amerkə və sionist rejimi səfarətxanəon vədə etıroz aksiyaon bərpo bəbe.

De İroni islamiyə inğilabi təsisəkə Həzrəte İmom Xomeyni(r) tədbir, mobarək ruje manqi oxonə cımə bən Ğuds beynəl xalğiyə ruji vıjniyə bəy ta dınyo mısılmonon iyən ozodtələbon ıştə ğəyz və nifrəti çı sionist rejimi ireğçiyə cinoyətonku elan bekən.

Imsor həm Ğuds beynəl xalğiyə ruji yolə aksiya maştə həmzəman dınyo həmmə kişvəronədə bərpo bəbe.