"Məhəmməd Rəsulallah" (s.ə.a.s) film Bokuədə numayiş kardışone

Az.R-ədə İroni mədəniyyətə rujon ki, iyuni 27-iku tosə iyuli 1-minə rujon əhatə kardışe, bə orəx rəse. Im tədbiri əlomətinə hadisonədə qıleyən çe İİR dınyo şehrətinə sandinə rejissor Məcid Məcidi kəşə "Məhəmməd Rəsulullah" (səlləlahu əleyəhə və aliye və səlləm) filmi Boku şəhəri Nizami kino mərkəzədə numayiş kardey bıe.

"Arannevvs" bə İRNA istinadən xəbə dodə ki, bı mərasimədə Rejissor Məcidiən iştirakış bıə, votəşe ki, "az ım filmi Az.R-ədə numayişku vey şo bedəm. Im kino cəmə 7 sornə zəhməti bəhrəy. Bə islamə mədəniyyəti və bə çey kino sənəti qıley hədiyyəy. Tosə ısət çe İsa (ə) həxədə 200, Musa (ə) barədə 120, Budda barədə 70, Nuh (ə) həxədə 42 qılə kino-film kəşəşone. Əmo İslami Peyğəmbər (s.ə.a.s) barədə cəmi 2 qılə film kəşə bıə ki, sıftənə qılə kəşeku 43 sor dəvardə. Bı səbəbən, dınyo miğyasədə çey jimoni barədə əsil həğiğəti nızınə cəmiyyəton hestin. Çəmə ım filmi əsasə məğsəd çe İslami Peyğəmbər (s.ə.a.s) jimoni barədə əsil həğiğəti çey insondustiəti, mehribanəti bə Ğərb cəmiyyəti rosnieye ki, əyo bı barədə səhv nəzəron çe arəku barde bızınəmon.

İm mədəniyyətə rujon çərçivədə de İİR və Az.R kino sənətkaron bahəm iştiraki "Hay Voltaj" nominə filmi kəşemon bino kardışone. İm filmi rejissor İlham Rustəmov, ssenari muəllif Babək Şirin, produser Əmir Şəhab Rəzəviyan, operator Mehdi Pərizad`e. Har dıqlə keşvəri kinoartistonədə Rza Naci, Elməddin Cəfərov, Qulnarə Məlikzadə, Ziya Ağa, Kəmalə Piriyeva və diqərion ım filmi əsasə rolonədə bəkəşen.