Ankara bə Suriyə Mənbeciku YPG ğıvvon xarıc bey təkidış kardə.

Tırkiyə xarıci vəzir bə Tırkiyə Kırdıstoni Fəhləon nomo bıə Partiyə(P.K.K) vabəstə bıə mısəlləh hərbion vey rə Suriyə şimal Mənbec şəhriku xarıc bey təkidış kardə.

Bə Təsnim aqentiyəti raporti əsos, Muvlod Çavoş Oğlu zinə votışe: çı vağt rəsə ki Xəlği Mudafiəkə Qurup(YPG) ğıvvon Mənbeciku xaric iyən şəhr bə məhəlli təşkilaton dast aspardə bıbu.

Əv idomədə əlovəş kardə: Amerkə çimiku bənav təəhhudışon kardə ki ıştən ğıvvon Mənbec şəhriku xaric bıkə, əmmo detosə ım zəmon bəy əməl kardə ni.

YPG ğıvvon ya Xəlği Mudafiəkə Qurup çı Suriyə Kırdon Demokratiyə İttifoğ Partiyə hərbi baxşe ki bə P.P.K vabəstə bıə qıləy təşkilatonku hisob bəbe.