Amerkə ale səud rejimiku himoyəon xoto azəriyə məsul şəxsi tənğid.
Azərbaycan Respublika ənıvışton itifaği rəisi votışe:Səudiyə rejimi tənğid əkə jurnalisti qin be ,Amerkə,ale səud rejimi himoyəon səhvə siyasəton nəticədəy.
Ğurban Cəbrail de İRNA təşkil doə votımonədə həmmə cəhətonədə Amerkə,səudionku himoyəonku işarəş karde və votışe:ım himoyəon qıləy holədəy ki ım rejimi rəsmi şəxson bənə İŞİD və Əlğaidə terroristiyə qrupon icod kardeyu əsosə rolışon bə.
Cəbrail, sionist rejimi cəsusiyə təşkilat mosadış ale səud rejimi tənğidəkə journalist Cəmal Xaşoğci qin be macəraədə məsulış zınə və əlavəş karde Xaşoğci Ərriyad və Telavivi nezə əlağon muxalifonku be və jəqo ki Panama sənədonku oşko be ərəbıstonı kral Muhəmməd Bin Səlman Əbduləziz milady 2015 minnə sori sionist rejimi 1 minnə vəzir Benyamin Netaniyaho vıjnımoni təbliğatiyu 80 milyon dollar xərcış kardə be.
Azərbaycan Respublika ənıvışton itifaği rəis,nezə şərğ məntəğədə ərəbıstonış Amerkə muzdorış zınə və votışe:Ərriyad ısət bə Vaşinqtonı əmron əsosi yəmənı bombardımon kardə və məntəğə coqlə məmləkəton mincumlə ironi təhdid kardə.
azəriyə nıvıştəkəs işarəş karde ə məmləkəton ki de Amerkə ıştə əlağon inkişaf doeyu fəaliyyət kardən bəpe bə çəy nəticon həm diğğət bıdən və əlavəş karde ale səudı nukəti amerkayu bois bəy Ərəbıston qıləy batallığədə qiriftor bıbo ki ha çəxtə həm fəaliyyət kardə çəyku nicat pəydo kardə ni.
