Səlomət baxşədə İroni muvəffəğ iyən hevujə xidməton.

İroni səhiyyə vəzir Ğəzaxıstonədə bıə səlomət beynəl xalğiyə iclosi i minə ruji mərasimədə votışe: İroni səhiyyə baxşədə bıə muvəffəğiyəton insoni diğğəti bəştə tərəf cəlb kardedə.

Bə İrib raporti əsos Seyed Həsən Ğazizadə Haşımi dınyo 194 qılə kişvəron səhiyyə vəziron cəmədə bə İronədə muvəffəğə təcrubəon dəvardə 35 sori mıddətədə çandə dəvo-damon sahədə proyekton işorəş karde və votışe: ım məcmoə koon İronədə marde kam bey noxşion vədə iştimaiyəti oqətə bə jimon omidi vey be və hırdənti detosə umri oxoyə səhiyyə xidməton inkişofi bois bıə.

Ğazizadə Haşemi təkidış ka: İroni həmmə diyonədə həm ısət rohət bə səhiyyə xidməton dast peydo karde de dəvo-damon, təbib mərkəzon və dotoron vositə bəbe.

İroni səhiyyə vəzir İronədə səlomət nizomi qıləy muvəffəğiyəton noxşon poliyə xərcon kam karde elanış ka və votışe: İronədə bimə və sığorətə komil bey detosə omə 4 sori mıddət noxşon poliyə xərcon çımiku həm vey kam bəbe.

Im iclos detosə maştə Ğazaxıstonədə dəvom kardedə.