Akif Heydərli: Xaşoğci ğətl səudiyə rejimi həğiğiyə simaş oşko karde.

Azərbaycan Respublika siyasiyə eksperti votışe:de səudiyyə ərəbıstoni odəmon dasi Cəmal Xaşoğci bə ğətl rosne dınyoədə ım rejimi həğiğiyə sima və şəxsiyyətış oşko karde.

Akif Heydərli zinə de İRNA aqentəti votımonədə əlavəş karde ım hadisə və səudiyyə ailə bə yəmənı zid cinayəton,beynəlxalğə səviyədə bə ərəbıstoni erj və vırə  çəy əvəzi bekardey nıbə zərbəonış jə.

əv əlavəş karde Xaşoğci hadisə və beynəlxalğə ictimaiyyətdə ciddiyə reaksiyaon ale səud rejimış mənəvi və siyasi cəhətonədə ve bevəcə şərayetdə ğərorış doə.

Heydərli votışe:de ərəbıstonı rəhbərəti ərəbə koalisiya cinayəton bə yəmənı beqınoə milləti zid iyən suriyədə çəvon cinayəton terror və cinayətiku çı rejimi  himoyəonku hikayət kardə.

ım siyasiyə eksperti votışe: Xaşoğci bə ğətl rosne həxədə Amerkə siyasəton bə ve oşko nıbə məsəlon bois bə və əlavəş karde ım hadisə eyne holədə səudiyə rejimiku himoyə əkon məxsusən Amerkə vırəş de ciddiyə zərbəon dim bə dimış kardə.

Heydərli əlavəş karde istanbolədə bıə ərəbıstoni konsol mərkəzədə de vəhşiyə metodi ərəbıstonıjə jurnalisti bə ğətl rosne təsadufi ni çonki hal hazırədə Suriyə və yəmənı məmləkətdə bə ım rejimi cinayətkarə hərəkəton şohidımon və Xaşoğci ğətl Suriyə və yəmənı məmləkətdə səudiyə rejimi xoninə cinayəton dəvome.