Bokuədə bıə ironi səfir:ha ruj de beynəlxalğə istikbar mubarizə barde ruje.

Azərbaycan Respublika məmləkətdə bıə İron İslam Respublika səfir,de beynəlxalğə istikbar mubarizə bardeyu milliyə ruj,aban manqi 13 minnə ruji mərasimədə votışe:de beynəlxalğə istikbar mubarizə barde fəğət bə aban manqi 13 minnə ruji məhdod bedə ni və ha ruj ,mubarizə barde ruje.

Bə Aran xəbon əsosi Cəvad Cəhanqirzadə zinə ım mərasimədə ki Azərbaycan respublikaədə vəliye fəğih nımayəndə huccətulislam vəlmuslimin Əli Əkbər Ocağnejad iyən bokuədə bıə Həzrət Vəliyeəsr(ə) təlimiyə mərkəzi  ostadon və şaqirdon qıləy cəmi iştirak kardeədə təşkil be əlavəş karde çəmə inğilabiyə məsuliyyət orəxə ni.

Azərbaycan respublikaədə bıə ironi səfir Cəvad Cəhanqirzadə votışe: çəmə inğilab qıləy dəvompəydo əkə inğilabe və votışe: inğilabi be qıləy yolə erje.kəsi ki inğilabiy,həmməysə ve ko bəkay,həmməysə ve məlumat bə dast bəvay(bahande) və həmməysə ve fədakarəti bəkay.

Cəhanqirzadə bə mərhum İmom Xomeyni sıxanon işarəş karde ki votəş be Amerkə heç qılə ğələt əkə ni və votışe: mərhum imom Xomeyni mənzur ım sıxaniku,ım ni ki Amerkə ğəsdış ni bə çəmə zid hərəkət bıkə bəlkə Amerkə bə çəmə zid har qılə vəsiləku bəhrə bardə və ısət həm bəhrə bardedə, çı sıxani məno ıme ki əqər əmə oğo bıbəmon,tojə elmon  omotəmon və ıştəni hozzı bıkəmon,Amerkə heç qıləy ğələt əkə ni.