İstanbulədə İronıjə kino direktor beynəl xalğiyə festivali prizi soyb bıə.

"Boğar İçi" filmi festivalədə iyən beynəl xalğiyə filmon baxşədə İronıjə kino direktor Peyman Moadi bənə vey çokə direktor vıjniyə bəy.

Bə Anatoli aqentiyəti raporti əsos İstanbuli "Boğar İçi" film beynəl xalğiyə festivali 6 minə dıvrə ki Oktiyabri 27ku binə bıə be, şənbə ruji bə muxtəlifə baxşonədə vıjniyə bıə əsər iyən hınə soibon festivali prizon edaştey bəpeştə bə oxo rəsə.

Im festivalədə İronivıjə məşhurə kino direktor və hınə soib Peyman Moadi de "Bombə, Qıləy Aşığonə" filmi kino direktorəti karde baxşədə vey çokə prizi beynəl xalğiyə filmon baxşədə kəsbış karde.

Im baxşədə İronıjə co kino direktor Babək Cəlali həm de "Sərzəmin" filmi İstanbuli "Boğar İçi" filmi beynəl xalğiyə festivail hakimon heyəti məxsusə prizi səşe.

Im festivalədə 88 əsər 41 kişvəriku muxtəlifə baxşonədə ekran bıə.