Tırkiyədə Xaşeğci cənozə ov kardəkəson nom oşko bıə.

Zinə Əlcəzirə kanal Tırkiyədə bıə oğohə mənbəon nəğliku, 3 nəfəri nomi ki de tırşə Səudiyə kıştə bıə jurnalist Cəmal Xaşeğci cənozə ov kardeyədə dastışon be oşkoş karde.

Bə ım kanali nəğliku Fars aqentiyəti zinə raport əsos, Mahir Əl-Mətrəb, Səlah Əl-Tətbiği və Zəar Əl-Hərbi həmonə kəsonin ki çəvon nom Tırkiyə İstanbulədə bıə Ərəbistoni konsulədə Ale-Səudi tənğidəkə jurnalist Cəmal Xaşeğci kışte macəraədə ifşo bıə.

Zinə ijən Tırkiyə sər prokurorəti ofisədə qıləy oğohə mənbə elanış kardə, İstanbulədə Səudiyə sərkonsuli kədə, tırşə və məxsus kimiyabiyə madon peydo bıə ki bə təhğiğ nəticəon əsos Cəmal Xaşeğci cənozə de tırşə kamelən məhv bıə.

Ale-Səud rejim tənğidəkə jurnalist Cəmal Xaşeğci 2018-nə sori Oktiyabri 2 İstanbulədə bə Ərəbistoni konsuləti varid bey bəpeştə qim beş

Oxonə təhğiğon nışo dodə ki əv de Ərəbistoni vəliəhd Muhəmməd Bin Səlmani əmr və ım kişvəri kəşfiyyot cinoyətkorə təşkilati məmuron vositə bə ğətl rəsə.