İroni və Azərbaycan Respublika miyono səhiyyə əloğəon.

Ardevili tib elmon unniversiti rəis Ğudrət Əxəvan Əkbər iyən Azərbaycan Respublika tib unniversiti rəis Qeray Qeray Beyki zinə Bokuədə de yande vindemon iyən 2 qılə kişvəri miyono xususi unniversiti baxşədə əloğəon barədə votımon və muzakirə kardışone.

Bə İrna raporti əsos Ardevili tib elmon unniversiti rəis ım vindemonədə de Azərbaycan Respublika təbib unniversiti həmkarion çok və cəzbəkə zınəş be və votışe: i minə ğədəmədə mıştərəkə elmi təhğiğon baxşədə və co mərhələ tələbəon mıbodilə karde barədə həmkarion dəvom bəkay.

Qəray Beyki həm bə İron və Azərbaycan Respublika miyono unniversiti sahədə həmkari və əloğəon inkişof təkidış karde.

Im vindemonədə Azərbaycan Respublika təbib unniversitiyə beynəl xalğiyə koon muavin Nader Zeynalev həm bə 2 qılə hamsoyə kişvər yəni İron və Azərbaycan Respublika miyoni mədəni, tarixi və zıvon cəhətədə iştirok işorəş karde və İron iyən Azərbaycan Respublika miyono elmi həmkarion zumandəti tələb kardışe.