İroni sərhədiyə ğıvvon fərmondə bə Azərbaycan Respublika səfər.

İron İslam Respublika sərhədiyə ğıvvon fərmondə zinə əsrə vaxti bə Azərbaycan Respublika paytəxt Boku daxil be.

Boku şəhriku bə telerədyo aqentəti xəbon əsosi İron İslam Respublika sərhədiyə ğıvvon fərmondə qeneral mayor Ğasım Rezayi zinə əsrə vaxi bə Azərbaycan Respublika sərhədiyə ğıvvon fərmondə Elçin Ğoliyevi dəvəti əsosi 2 qılə məmləkəti sərhədiyə fərmondəon 11 minnə iclosədə iştirak kardeyu bə Boku daxil be.

İroni sərhədiyə ğıvvon fərmondə ım səfərədə İron İslam Respublika və Azərbaycan Respublika sərhədiyə fərmondəon iclosədə iştirak kardeku kəno de ım Respublika bəzi yolə məsul şəxsonədə həm vindımon və muzakirə dəbəvone.

2 qılə məmləkəti miyonədə 2 tərəfə sərhədiyə əlağon zumand karde və mıştərəkə  sərhədon əmniyəti inkişaf doe mincumlə İron İslam Respublika sərhədiyə ğıvvon fərmondə bə Azərbaycan Respublika təşkil doə səfəri hədəf elan bə.