İİR Sərhədə Ləşkəri fərmondari bə Boku səfər kardəşe
İron İslamə Respubliuka Sərhədə Ləşkəri fərmondar qeneral-mayor Ğasım Rzayi de Azərbaycani Devlətə Sərhədə Xidməti rəis qeneral-polkovnik Elçin Ğuliyevi dəvəti dekabri 10-minə ruji bə Boku rəsmiə səfər kardəşe.
Bə "Nur-az.com"i doə xəbə əsasən dı qılə devləti muştərəkə marzon əmniyyəti ziyod karde ım səfəri əsasinə məğsədonədəy. Prezident İlham Əliyevi və Mudafiə vəzir Zakir Həsənovi de ağayi Ğasım Rzayi sərdarəti kardə numayəndə heyəti didoron kardəşone.
Bə "Faktxəbər.com" sayti doə informasiya əsasən dekabrə manqi 10-11-minə rujonədə Tehronədə bə Kaspi dıyoədə həmkarəti və əmniyyəti dair ım dıyokənoə devləton 4-minə iclas dəvardə. İm iclasədə Az.R, Rusiya, Ğəzəxıston və Turkmənistoni numayəndon deştə İronı həmkaron Kaspi dıyoədə əmniyyəti, həmən ekoloqiya muhafizə məsəlon muzakirə kardəşone.
De Nuə sori nez bıe əlağədar Bokuədə Nuə sorə yarmarkon bino bıən. Çe metro "Elmon Akademiya", "28 May", "Nəriman Nərimanov", "Neftçilər", "Qənclik" stansiyon vədə codo jəşone. Bı çodonədə məhsulon çe vıjorisən bə erjonə ğıymət həvate nəzərədə qətə bedə. Dəvardə sori Boku Meriya paytaxtədə 13 qılə jıqo Nuə sorə idə codo onoəşbe. Çəş kardə bedə ki, paytaxti rəhbəriyyət ım çodon miğdari həniən ziyod bəkarde.
