Avrokomissiya bə Ermənistoni 52 mln avro bədo

Avrokomissiya rəhbər Ursula fon der Leyen bə Ermənison səfər kardəşe və bə keşfəri de Rusiya əlağon bırne əsnoədə 52 mln avro co karde anons doəşe.

Çın co kardə məbləğədə 18 mln avro bo eksport aqentəti onoe, 20 mln avro – marzətrofi camiyə sərf kardə be eçın qətə bedə. Həmən Avroşura bo ER 80% ermənistoni eksporti rusimi ləğv karde və di təsarufat məhsulon tosə 99%, peşoməyon 90% bə avropa vıjoron dəro karde bəyonış kardə. Bə yod dəğandəmon ki, çe ER siyosi xəti təğyiri nəticədə RF tərəfo bo çəy məhsulon məhdudiyəton noə bən.Paşinyan de ıştə hamsuyon əlağon bə ğaydə varde əvəze, de Avropa Şura keşfəron təmasi ğoym karde ğəror doəşe və de çəy sıxani 2029-minə soriku de Aİ bevizə rejim bəbe. AK rəhbəri bə Yerevan səfər bə protesti səbəb be. Noroziəti kardə xonəxon Ursulaşon Ermənistoni zindonon de siyosi məhbuson pur kardə Paşinyani dast qəte ro «diktatura sponsor» zınə.