Xaşeğci ğatili nomi ifşo kardeyku Ərəbistoni tars.
Tırkiyə xarıci vəzir elanış kardə, Ərəbiston Səudiyə muxalifə jurnalist Cəmal Xaşeğci ğatili nomi oşko beyku vey tarsedə.
Bə Fars aqentiyəti raporti əsos, Movlud Çavoş Oğlo zinə xəbəiyə iclosədə co kərə Cəmal Xaşeğci ğətli dussiyə barədə Ərəbistoni həmkari şivəku tənğid iyən Səudiyə qıləy ali rutbə rəsmi şəxsış bə ım cinoyəti əncom doe mıttəhəmış kardə.
Çavoş Oğlo əlovəş do, Səudion Xaşeğci ğətli dussiyə barədə hiç koməki nibəkarden, çən Tırkiyə ım sahədə ıştə təhğiğon sənədi bə beynəl xalğiyə şərikon bədoy.
Tırkiyə xarıci vəzir təsdiğış karde, Arqentinədə 20 qrupi oxonə iclosədə iştirokəkəyon çəməku Cəmal Xaşeğci dussiyədə beynəl xalğiyə təhğiğon tələb kardə bin, ısət Tırkiyə de beynəl xalğiyə təşkilaton həmkari vey yolə təhğiğon bino iyən ım sahədə muzakirə karde holədəy.
Ale-Səud rejimi tənğidəkə jurnalist Cəmal Xaşeğci 2018-nə sori Oktiyabri 2 İstanbulədə bə Ərəbistoni konsuləti varid bey bəpeştə qim be.
Oxonə təhğiğon nışo dodə ki əv de Ərəbistoni Vəliəhd Muhəmməd Bin Səlmani amr və ım kişvəri kəşfiyyot cinoyətkorə təşkilati məmuron vositə bə ğətl rəsə.
Ale-Səud rejim tənğidəkə jurnalist Cəmal Xaşeğci ğətli dussiyə nə fəğət bə Ərəbistoni podşoh təziğ vətiyətədə ğəror doəşe, bəlkəm Ale-Səud rejimi rəsmi şəxsonku dınyo kişvəron nifrəti bois bıə.
