Azərbaycan Respublika məclisi rəis bə Urumiyə səfər
Azərbaycan Respublika məclisi rəis bə İroni Ğərbi Azərbaycan ostani Urumiyə şəhr təşkil doə səfərədə ım şəhri de Boku həmkarətion inkişaf doe həxədə işarəş karde.
Bə İRNA xəbon əsosi Oktay Əsədov zinə Urumiyə şəhrədə de Ğərbi Azərbaycan ostandar Muhəmməd Məhdi Şəhriyari vindımonış dəvoni və votışe: dəvardə 5 sori mıddətdə İron İslam Respublika və Azərbaycan Respublika prezdenton 12 kərə de yandı vindımonışon dəvoniyə ki 2 qılə məmləkəti əlağon ğızılə devraniku hikayət kardə.
Əsədov bə Oromiyə təşkil doə səfəriku rozi mande və əlavəş karde de İroni mıxtəlif ostanon məxsusən de Azərbaycan Respublika sərhədiyə ostanon əlağon inkişaf doeyu ve əhəmiyyət nəzədə qətedə.
Muhəmməd Məhdi Şəhriyari həm ım vindımonədə mıxtəlif sahonədə Urumiyə və Boku zərfiyətonku istifadə karde zərorətiku işarəş karde.
Şəhriyari əlavəş karde Ğərbiyə Azərbaycan hal hazırədə İxtisadi,ali təlimat Tib, turizm,di təsərufati fəaliyəton iyən sənaye baxşonədə çokə zərfiyətış heste ki de Azərbaycan Respublika əlağon inkişaf doeyu əsosə muvzoonku be bəzne.
Ğərbi Azərbaycani ostandar eyne holədə ım ostan və Azərbaycan Respublika miyonədə mıştərəkə sənaye mikrorəyoni icod karde imkoni barədə işarəş karde və ım cəhətdə həmkarəti kardeyu Urumiyə hozzı mandeku xəbəş do.
Oktay Əsədov ki 3 şanbə ruji qıləy parlamentiyə heyəti sədrədə bə Tehron daxil bə desbə ısət de prezdent Ruhani,İroni milli əmniyəti aliyə şura katib Əli Şəmxani və İroni xarici koon vəzir Muhəmməd Cəvad Zərif vindımon və votımonış dəvoniyə.
