Ostoro şəhristaniku moy ixracat.

17 tonisə ve İroni moyəvonəti idarə istihsalonku bə Azərbaycan Respublika ixracat bə.

Bə Qilan ostani telerədyo aqentəti xəbon əsosi Ostoro bəytorəti idarə rəisi votışe:hicri şəmsi ımsornə sori azərə manqədə 17 həzo 300 kilo moy çı şəhristani zəminiyə sərhədiku bə Azərbaycan Respublika ixracat bə.

Bəhram Porzərb əlavəş karde ım məhsolon Qolestan və Qilan ostanonədə istihsal bə moyonku hozzı bə.

ım məhsolon erj 73 həzo dollar elan bə.

Ostoro şəhristani bəytorəti idarə rəisi əlavəş karde ımsornə sori əvvəliku desbə ısət 304 ton pəni və şıtəto, 9 ton şıt, 20 ton filə moy quşt,4 ton moy ruyən,47 ton moy xokə,20 ton  dəbiyə kırə moy,82 həzo qılə 1 rujə kijə,17 ton  moğonə,121 ton dəbiyə ğızılala moy  çı şəhristani zəminiyə sərhədiku ixracat bə.