İron və Azərbaycan Respublika miyono hərbi və mudafiə əloğəon inkişof.

İroni silohinə ğıvvon sərğərorqo rəis de təkid bə İron iyən Azərbaycan Respublika miyono nəzər iyən nığılə əloğəon umidvartiş karde ki 2 qılə kişvəri miyono həmkarion hərbi və mudafiə baxşonədə çımiku vey bə inkişof bırəsi.

Bə İrna raporti əsos qeneral mayor Muhəmməd Bağıri ımruj sıb Heydər Əliyevi airportədə votışe: Azərbaycan Respublika çəmə vey muhimmə hamsoyəy ki tarixi, məzhəbi və zıvoni cəhətiku bo İron foğəlodə əhəmiyyətış heste.

Qeneral Bağıri ım səfəri hədəfi barədə votışe: mudafiə, əmniyyəti və hərbi əloğəon inkişof doe sahədə ım səfər çandə mıvzoon bəyon bəbe.

İroni silohinə ğıvvon sərğərorqo rəis ki Azərbaycan Respublika mudafiə vəzir zakir Həsənevi rəsmi dəvəti bə ım kişvər səfərış karde, jıqo səth və əhəmiyyətədə qıləy İronıjə hərbi rəsmi şəxsi bə Azərbaycan Respublika səfər karde stajış nıbıə hadisə zınəş be və votışe: ım məsələ 2 qılə kişvəri miyono həmkari iyən nəzəron mıştərək iyən nığıləti nışonə zınəş be.

Qeneral Bağıri ımruj bə Azərbaycan Respublika səfərış karde və həminə səfərədə de Azərbaycan Respublika prezident i minə vəzir, milli məclesi yol iyən çandə hərbi rəsmi şəxson vindemon bəkay.

Hərbi və mudafiə baxşədə İron və Azərbaycan Respublika miyono muğaviləon imzo karde ım səfəri co bərnoməonin.