Azərbaycan Respublika ticariyə heyəti de ğərbi azərbaycan ostandari vindımon.

Azərbaycan Respublika tacironku qıləy qrup zinə de ironi ğərbi azərbaycanı ostandar Muhəmməd Məhdi Şəhriyari vindımonışon dəvoni.

Bə telerədyo aqentəti xəbon əsosi ğərbiyə azərbaycan ostani ostandar Muhəmməd Məhdi Şəhriyari ım vindımonədə İron və Azərbaycan Respublika miyonədə bə tarixi, mədəni və dini veyə iştirakinə məsəlon işarəş karde və votışe: de Azərbaycan Respublika əlağon inkişaf İron İslam Respublika xariciyə  siyasəti əsosə fike.

Şəhriyari de Azərbaycan Respublika əlağon inkişaf doeyu bə ironi hozzı mande işarəş karde və əlavəş karde ğərbiyə azərbaycan ostani ostandar  hozzıy mıxtəlif baxşonədə məxsusən di təsərufati məhsulon bə dınyo mıxtəlif vojoron ixracatdə de Azərbaycan Respublika həmkarətiş bıbo.

Azərbaycan Respublika tciron həm ım vindımonədə işarəşon karde ki İroni ğərbiyə azərbaycan ostani di təsərufati məhsulon bəpeə keyfiyətışon heste və ım məhsulon məxsusən sef və anqı bə xariciyə vıjoron mincumlə Rusiyə vıjoron ixracat kardeyu ıştə hozzı mandeku xəbəşon do.