Avrasiya ibemoni sədr: de İron əloğəon inkişof doe vey muhime.
Avrasiya iğtisodi ibemoni sədr zinə Moskvaədə ım təşkilati iclosədə bə İron iyən ım ibemoni miyono əloğəon əhəmiyyəti işorəş karde və votışe: Avrasiya iğtisodi ibemoni təşkilatədə de İron iyən Çin rabitəon muğavilə icra bəbe.
Bə Telerədio aqentiyəti raporti əsos Nikol Paşaniyan omidvarəti nışoş do iyən elan kardə ki ımsor iyən Ermənistoni ım Təşkilatədə rəisəti dor anədə ozvon miyono həmkarion foydəin bıbu.
Avrasiya iğtisodi ibemon səftə 2015-nə sor de Rusiyə, Ğəzaxıstan və Belarusi ozviyət ıştə koş bino karde; peşo Erməniston və Ğerğizıston həm bə ım təşkilat əlovə bən.
Məhsolon ozod nəğliyat, ko, xidmət və sərmoyəon ozod vırə bə vırə karde əcumlə ım ibemoni hədəfonin.
180 milyon nəfər ozv bıə kişvəron ğalibədə Avrasiya təşkilatədə fırsətonku istifodə karde bəznin.
Tojədən Ermənistonədə İroni səfir Seyed Kazım Səccadi həm muxtəlif baxşonədə de Erməniston əloğəon zumand karde bərədə İroni komilə hozzoətətiku xəbəş do.
