Boku İrəvaniku 50 milyard dollar təzminati tələb kardedə.

Azəri xəbəiyə mənbəon elan kardışone ki Boku dıvlət Ğərəboğ munağişə barədə İrəvaniku 50 milyard dollar təzminati tələb kardero cəhd kardedə.

Bə Virtoalaz sayti raporti əsos Avropa bəşər həxon məhkəmədə Ermənistoni Nakotə deptat Qeorq Kostaniyan tojədən votışe: bə çəmə dast rəsə məlomat nışo doydə ki Azərbaycan Respublika bə Ermənistoni zid Ğərəboği barədə bo beynəl xalğiyə huğuği daveon bino kardero hozzo bıdə.

Erməni ım navnə məsol şəxs təsdiğış ka: Azəri səfiron Avropa muxtəlifə kişvəronədə bo həminə huğuği daveonro məşhur iyən çokə vəkilon peydo karde fikədən.

Im qılə holədəy ki Rusiyə kali təhliləkəyon jıqo votədən ki ğasbo Erməniston Ğərəboği ətrofədə bıə 5 qılə məntəğəon bə Azərbaycan Respublika doe xoto ıştə rizoyəti elan bıkə.

Xəbəon ım məsələ barədə Erməniston və Rusiyə miyono məxfi sazışonku hikayət kardedə ki ım kanə dav həl kardero vey əhəmiyyətış bəbe.

Koçınason Martə manqədə Ğərəboği bıhran bey ehtımali barədə xəbə dodən.