Ermənistonədə Amerkə səfarətxonə cəsusətiyon barədə reaksiya.

Ermənistonədə Amerkə səfarətxonə cəsusi karde bə Erməniyə rəsmi şəxson iyən siyasi qrupon reaksiya bois bıə.

Bə Erməni rədio raporti əsos mediya koşınas Samoel Martirosiyan ım mıvzo barədə votışe: Ermənistonədə Amerkə səfarətxonə təchizaton bə cəmaəti mobilonədə bıə şikilon dast peydo kardedə ki ım çı Ermənion həx huğuği deareştə mənodəy.

Erməni vəkil Şoşan Doy Doyan həm ım xəbə bərədə votışe: Ermənistoni sərprokuror bəpe ım cəsusi illət və Amerkə rəftori hədəfon barədə məlomaton kəsb bıkə iyən dızdiyə bıə informasiyaon məhv bıkə.

Çımiku bənav Viki Liks ifşoəkə internetiyə mərkəz i dastə sənədon muntəşirış karde ki Erməniyə şəhrvandonku Amerkə səfarətxonə cəsusion subut kardedə; sənədon nışo doydə ki Amerkə çı Erməni şəhrvandon mobilonku şikil iyən sohbətonku məlomat kəsb karde holədəy həttoəkə çəvon mobil okıştə ya ğofl bıbu.

Ermənistonədə bıə siyasi və iştimai qrupon ım kişvərədə Amerkə səfarətxonə ıştən bə sə hərəkəton ki noəmni iyən be stabil vəzyəti bois bıə rə vəy qəte tələb kardedən.