Ğərb bə həmmə terroristiyə qrupon silohinə komək kardedə.

Tırkiyə prizent ijən bə Kırdə nimə hərbion Amerkə silohinə koməkon dəvom peydo karde tənğidış karde iyən çı Ankara ğərbiyə dustonış bə dınyoədə terroriston silohinə komək karde iyən mısılmonon ğətliam mıttəhəmış ka.

Bə Anadoli raporti əsos Rəcəb Təyyeb Ərdoğan votışe: bə mısılmonon həmlə əkə həmmə terrorçiyə qrupon qırd ğərbi kişvəron əcumlə soxtə bıə silohonku istifodə kardedən.

Əv Amerkə və ğərbi kişvəronış etimod nıkardə nin zınəş be ijən bə əvon vabəstə nımande holədə iyən de daxıliyə ğudrəti bənav hərəkət karde tələbış ka.

Əv çı Suriyə kırdon barədə həm iddioş ka: ım cinoyətkoron ki Suriyə şimalədə ğətliam iyən qınosid kardedn, çəmə duston rəket, bomba iyən silohonku istifodə kardedən.

Tırkiyə prezidentəti ım sıxənon qılə holədəy ki Tırkiyə təğribən 3 sor çımiku bənav iyən Suriyə dıvlətiku icozə nısəe holədə iyən beynəl xalğ ğanuni əks Suriyədə ıştə hərbi huzuri dəvom dodə.