Boku prokratura bo Tale Bağırzadə əbədi həbs tələbış kardə.
Azərbaycan Respublika prokratura Boku qonə cinayəton məhkəmədə Nardaranı sənədi məhkum bə şəxson muhakinə oxonə iclosədə çı respublika mıslmonon ibemonə hərəkati rəhbəriyu əbədi həbs tələbış kardə.
Azərbaycan Respublika mıslmonon ibemonə təşkilati rəis Tale Bağırzadə iyən çı məmləkəti xalğ cəhbə partiya muavin Fuad Ğəhrəmanli iyən Nardaranı hadisə 16 qılə məhbuson məhkəmə zinə təşkil be.
Boku qonə cinayəton prokratura Əli Əbbasov ım odəmonış təxsirkar zınə və bu Tale Bağırzadə əbədi həbs tələbış karde.
prokratura həmçinin Fuad Ğəhrəmanliyu 11 sor həbs və 16 qılə məhbusiyu 10 desbə 20 sor həbs tələbış karde.ğəror heste ki omə məhkəmə 2017 minnə sori yanvarə manqi 9 nə ruji təşkil bıbo.
Azərbaycan Respublika məxsusə polis ğıvvon 2015 minnə sori noyabri 9 nə ruji Bibi Rəhimə(s) hərəmi nezi bə Nardaran ğəsəbə hucumışon karde ki nəticədə 7 nəfər əcumlədə 2 qılə polis kıştə bedən.