İron iyən Pokıstoni Mıştərəkə İxtisodi Komitə 10-ə iclosi bino bey

Pars Tudey-İron-Pokıstoni Mıştərəkə İxtisodi Komitə 10-ə iclos seşambə ruji de İroni sənaye,mədən və de Pokıstoni ticorət vəzir Cam Kəmol Xani iştiroki İslamobodədə bino bıə.

Pars Tudey bə İroni Tele-Rədyo Şirkəti istinodən doə məlumoti əsos,Pokıstoni ticorət vəzir Cam Kəmol Xan bın ojbemoni mərosimədə bə İroni barzə səviyyəynə nımoyəndə heyəti səlom doə holədə, İron iyən Pokıstoni miyono bə torıxi,mədəni və hamsuyəti əloğəon əsos bıə rabitəonış nəzəku dəvordınə və Pokıstoni hukuməti de İroni İslomi Respublikə miyono bə ixtisodi və ticori həmkoəti inkişof doey və nığıl kardey əzmədə bey təkid kardəşe. Əv,bə dıqlə kişfər İron iyən Pokıstoni ticorət,enerji,nəğliyyot,di təsərrufoti və investisiya sahəonədə hevujə imkonon işorə kardə holədə bəyonış kardə ki,İslomobod mevcudə maneəon çe miyoniku peqətey,dı tərəfinə ticorəti hoston kardey və de Tehroni ixtisodi mubodiləon həcmi ziyod kardeyış piyedə. İroni İslomi Respublikə Sənaye,Mədən və Ticorəti vəzir Seyd Məhəmməd Atabəq həm bo dıtərəfinə həmkoəti inkişofiro bənə qıləy təsirinə mexanizmi bə Mıştərəkə İxtisodi Komitə mıntəzəmə surətədə dəvordıney vocibəti təkid kardəşe.