Cəmaəti niqəranion bəpeştə hac Tale Bağırzodə səlomtətiku oxonə xəbə.

Azərbaycan Respublika ruşinfikon hərəkati yol Ğubostoni həbsxonədə ım kişvəri mısılmonon i bemon hərəkati ənəhardəti aksiya bə oxo rəseyku xəbəş do.

Bə rəsə xəbəon əsos Əldeniz Ğoliev Ğubostoni zindonədə de Hac Tale Bağırzodə vindemon kardeku xəbəş do iyən votışe: cəmaəti niqəranion bəpeştə iyən milləti tələbəon xoto hac Tale bə ğərol ome ki anə hardəti aksiyaon orəx bıdə.

Azərbaycan Respublika ruşin fikon hərəkati yol əlovəş karde: zindonədə de co qılə dindorə məhbos Cəbar Cəbarov vindemon karde cərəyonədə çəy dimi sə ışkəncə əsəron kamilən oşko be; ım qılə holədəy ki zindoni məmuron əy ışkəncə karde rədə kardə bin.

Hac Tale Bağırzodə ımsornə sori Fevrali i minə rujiku bə zindonədə dindorə məhboson vəzyəti etıroz karde xoto Ğubostoni məhbosxonədə ənə hardəti aksiyaş bino kardəş be.