Çe Xanım Zəhra (s.ə) mevludə ruj

Im rujonədə mısılmonə dınyo çe Həzrəti Rəsulallah (s.ə.v.s) kinə Həzrəti Fatiməyi – Zəhra (s.ə) mubarəkə mevludə ruji ğeyd kardedə. De ım ruji əlağədar əzəmətinə idə tədbiron dəvunidə.

Jiqo tədbironədə qıley Boku şəhərədə təşkil bıe. İlahiyyəti alim Haci İlğar İbrahimoğlu ım mevludi əhəmiyyəti həxədə ıştə votemonədə Xanım Zəhra (s.ə) şəxsiyyəti iqlə bo xanımon ne, bo həmə bəşəriyyəti numunə bıe ğeyd kardışe. Çəyo Əhli-Beyt (ə) məddahon Haci Səyyar və Seyid Nurəddin Dərafərin ıştə bə Həzrəti Zəhra (s.ə) və bə məsumə imomon həsr kardə şeer və ğəzəlon, Oktay Ğubalı isə ilahion handəşone.

Qurcistoni Mısılmonon İdarə nəzdədə fəaliyyət nişon doə de “Mısılmonə Zənənon İcma” təşəbbusi məmləkəti məntəğonədə de ım mubarəkə ruji munasibəti mərasimon təşkil kardedən. Jıqo tədbironədə qıleyən Ourcistoni Marneuli rayoni Alqet diədə dəvardə. Bə ım məclis əsasən jenon qırd bıən. Rəhimə Qurbanova tədbirədə bə iştirakəkon de ım mubarəkə ruji munasibəti təbrik votəşe, Sevinc Namazova Ğurani Kərimiku ayon tilavətış kardə. “Mısılmonə Zənənon İcma” uzvonədə Esmira Nəsibova, Nahidə Hacıyeva Xanım Həzrəti Fatimeyi Zəhra (s.ə) jimoni bə har ailə və zənənon numunə bıə fəzilət və məğamon həxədə hartərəfinə qəpon jəşone. Ğıroni omutə kursi hırdənon çeyku ibrətamizə kəlamon votəşone.

Peşo mərasimi idə sufrə qırdoy dəvom kardəşe. Məddah Səid Həsən`i ilahə və şeeron ehandəşe, musabiğə dəvuniəşone. Bə ğalibon, həmən Fatimə və Zəhra nomədə bıə hırdənon hədiyyə doəşone. Bə tədbiri iştirakəkon dini təğvim və inoqrafikonşon baxş kardə.