Prezident İlham Əliyevi bə əhali sosial muavinəton məbləğ ziyod kardışe

Dəvardə rujonədə prezident İlham Əliyevi bə iğtisadi və sosial məsəlon dair de hokuməti üzvon muşavirə dəvunişe. “İslamazeri.com” bə “Azertac”i əsasən xəbə dodə ki, prezidenti çe şəhrıvandon probleminə krediton həxədə votəşe ki, hələ dəvardə soriku hokumət de ım məsələ məşğule.

Milli Məcilsədən bı barədə debaton şedə. Isət ım ko bə orəx rəse ərəfədəy. Azərbaycan jıqo kreditə mışğılon həll karde roədə ıştə lider mevğe nişon bədo.

Əliyevi şəhidə ailon de mənzili təmin karde həxədə ğeyd kardışe ki, dəvardə sori bə jıqo ailon hokuməti  626 mənzil doəşbe, ımsor 800 şəhidə xeyzonən de tojə mənzili təmin bəbe. Ey hokuməti hozo kardə diqər sosialə paketi barədə votışe ki, ım sosialə layihə 500 həzo odəmi, krediti oqırdınie bə mışğıl edınə şəhrıvandonən bə nəzər bısənəmon, 2 milyon 200 həzo odəmi əhatə bəkarde. Perzidenti minimum məvacib və pension ziyod karde həxədə votışe ki, bı nezonədə ımon 38% ziyod kardımone. Əmo ım  məbləğ əməni ğane kardedəni. Ayəndə vaxtonədə minimum məvacib və pension həniən ziyod karde ro hokumətədə təklifon və çimi maliyyə tərəfon muzakirə bedə. Əliyevi ımən ğeyd kardəşe ki, haliyədə Azərbaycan pensiya minimum məbləğədə Mustəğilə Devləton İbemonə keşvəron arədə dıminə vırə qətedə.

Peşo İlham Əliyevi “Əhali sosial mudafiə zumand karde sahədə əlavə tədbiron həxədə” sərəncom doşe. Çe ohilə odəmon sosialə muavinət bə 130 mənot, əlilon muavinət 110-150 mənot rosnişe, bə muharibə veteranon əlavə 80 mənot, bə muharibə əlilon əlavə 250 mənot Prezideti təqaud təyin kardışe.

Əğıli bə dınyo omə muavinət bə 200 mənot, dəfni muavinət bə 300 mənot posnişe.  Məcburiə pənahəndon manqə muavinəti məbləğən 50% ziyod kardışe.