Rusiyə dıvlət Fəxrəddin Əbboszodə bə Boku dıvləti təhvilış do.
Tolışon siyosi iyən mədəni ruşinfik, yolə siyosətmədor Fəxrəddin Əbboszodə Rusiyə dıvləti tərəfo bə Boku dıvlət təhvil doə bəy.
Bə Boku dıvləti əmniyətiyə təşkilat(kırt DTX) internet sayti raporti əsos, Fəxrəddin Əbboszodə Rusiyəku ixroc bey bəpeştə Fevrali 28 bə Azərbaycan Respublika ovoştoniyə bey vositə Boku airportədə dəstqir be.
Bə həminə hadisə əloğədor Musavat radikalə rujnumə jığo ğeydış karde ki Bokuədə bə Fəxrəddin Əbboszodə dastban jəşone.
Boku dıvləti əmniyətiyə təşkilati bəyoniyədə çı Fəxrəddin Əbboszodə ittihamon mediaonədə cəmaəti bə anti dıvlət hərəkəton vanğ karde, çandə bə Ermənıston səfər karde iyən de Ermani Əmniyəti orqanon həmkarəti elan bıə.
Çəy bəpeştə ki Rusiyədə Fəxrəddin Əbboszodə jiyey bə orəx rəsə, əvışon 6 manq həbsışon karde ki ısət həbsi təmom bey bəpeştə de Rusiyə Lobertsk şəhri məhkəmə hukmi ım məşhur Tolışə siyosətçi bə Boku dıvlət təhvil doə bəy.
De tosə bə ısət iyən de Rusiyədə jiyə Tolışon eterazon bərobər, Rusiyə rəsmi şəxson Fəxrəddin Əbboszodə bə Azərbaycan Respublika ovoştoniyeku imtino kardə bin.
