De Erməniston muzakirə karde cərəyonədə Azərbaycan Respublika ərazi təmamiyyət oqətə bəbe.

Azərbaycan Respublika xarıci vəzarətxonə bə de Erməniston muzakirəon dəvom işorəş karde və votışe: muzakirəonədə Ğərəboği separatçiyon iştirok ğəbul kardənin ni.

Bə Təsnim aqentiyəti əsos Azərbaycan Respublika xarıci vəzarətxonə bəyoniyədə bo Ğərəboği bıhrani həl kardero harcurnə cəhdonku himoyə bıə iyən təkid be ki muzakirəon forma əvəz bə ni iyən 2 tərəfi miyono be ım ki Ğərəboğiku rəsmi şəxson iştirokışon bıbu dəvom peydo bəkay.

Im bəyoniyə dəvomədə təsdiğ bıə: Ğərəboği ozodəti iyən avarəon bəştə sərzəmin oqarde bıhrani həl karde muğəddəmə hisob bıdə.

Jıqo vote bıdə ki Erməni və Azəri rəsmi şəxson bəpe Ğərəboği barədə əv həm Azərbaycan Respublika ərazi təmamiyyəti çərçivədə ğəroli mıəyyən bıkən.

Im qılə holədəy ki tojədən Ermənistoni iminə vəzir de Ğərəboğ moxtar respublika prezident vindemon karde bə əmniyyəti iyən xarıci siyasətədə əloğəon təkidış karde.

Azərbaycan Respublika və Ermənistoni miyono Ğərəboği davoon 1988 nə-sorədə bino və 1992-nə sorədə bə hərbi navi qəte iyən otəş bast muvafiğ omə.

Im canqi nəticəku Ermaniston çı Azərbaycan Respublika Ğərəboğ məntəğə iyən 7 qılə humsoyə şəhrestani işğalış kardə.