İron və Azərbaycan Respublika miyonədə 3 qılə həmkariyə sənəd imza be.

İroni ixtisadiyə koon vəzir və Azərbaycan Respublika ixtisad vəzir İron və Azərbaycan Respublika ixtisadiyə həmkarətion mıştərəkə kamisiya 13 minnə iclosədə 3 qılə həmkariyə sənədışon imza karde.

Bə İRNA xəbon əsosi ironi ixtisadiyə koon vəzir Fərhad  Dejpəsənd ım sənədon imza karde mərasimədə votışe:İron və Azərbaycan Respublika 2 qılə dust və bıvə məmləkət de tarixiyə təcrobə hestin və ımruj ım nığılə tarixiyə əlağə bəpe omə rujonədə 2 qılə məmləkəti həmkarətion nəzədə qəteədə bə qıləy nığılə ixtisadiyə əlağə ovaşto.

Dejpəsənd əlavəş karde Tehron və Boku bənə 2 qılə hamsuyə məmləkət ıştə stratejikə əlağon inkişaf doeədə və bə blandə hədəfon rəseyu karde bəznen  hamsuyə məmləkəton inkişafiyu çokə dəhliz iyən ro bıbon.