Azərbaycan Respublikaədə islamçi məhbuson bəpe ozod bıbun.

Azərbaycan Respublika mısılmonon i bemon hərəkati muavin zindoniku ozod bey bəpeştə ım kişvərədə həmmə siyasi məhbuson ozodəti tələbış karde.

Hoci Elçin Ğasimev siyasi və islamçi məhbuson ozodəti barədə votışe: vey norohətəkə məsələ ıme ki ımroj çandə odemon ım kişvərədə be illət zindonədə həbs bıən.

Hoci Elçin Ğasimev əlovəş karde: məhbuson be qınohəti subut bey nışo dodə ki co dastqir bıə kəson həm ki nardarani hadisədə be illət əvoni qətəşone bəpe rə zindoniku xilos bıbun.

Tojə xəbəon jıqo hikayət kardedə ki Azərbaycan Respublika əmniyyət ğıvvon be ğanunə hərəkəton dəvomədə de Qəncə dustiyə əloğədor dastqir bıə kəson həm de şiddəti həbsxonədə əşkəncə bıdən.

Tojədən Rəof Bayramev (Qəncə etıroz aksiyaonədə qıləy dastqir bıə islamçi) zovə elanış karde ki Qəncə polis idarə məmuron bə çəy dədə bədni elektrik şok doeşone ta əy istintoğ bıkən.

Əv ıştə bıvə vəzyəti barədə həm votışe: çəyku de zu etırof qəte dəvom kardedə.

Tojə sorədə həm məvuji bə dini fəalon zid anti islam hərəkəton çı Boku dıvləti tərəfo ijən dəvom kardedə.