Avyasiya həmkarion çərçivədə İron və Ermənistoni miyono həmkarion hevuj bəbe.

Avyasiya i bemoni uzvon əloğəon çərçivədə iyən bə imzo bıə muğaviləon əsos İrəvanədə İroni səfir və Ermənistoni i minə vəziri muavin de yande vindemon iyən 2 tərəfi həmkarion barədə muzakirə kardeşone.

Bə İrna raporti əsos, Seyed Kazım Səccadi iyən Mehr Qeri Qoriyan 2 qılə kişvəri 16-nə dıvrə iğtisodi-ticari mıştərəkə kamissiya dəvoniyə barədə həm sohbətışon karde; ım iclos iyoni i qılə rujonədə Tehronədə bərpo bəbe.

Im vindemonədə sərmoyənoe ticarət, iğtisodi poriktonədə mıştərəkə əloğəon və co ticari həmkarion barədə sohbət be.

2 tərəf bo ticarəti inkişof doero məhdodiyət iyən maneon, cari porikton çoknə sə karde xusosi elektrik ixracat, şimal cənub kridor iyən ticari ozod məntəğə barədə həm muzakirəşon karde.