Abşeroni məntəğon de ovi təchizat bə səhmon eqınidə

Azərbaycanə Respublikadə əhali de peşomə ovi təchizatədə mışğılon hələ tam çe arə barde mumkun bıə ni. Ceyranbatan Ovtəmizkardə Kompleksi, həmən Ceyranbatan-Zirə ovə lulə bə istifadə doə bəpeş Abşeron nimcəzirə məntəğon de ovi təcizatə imkanon xeyli ziyod bıə.

Isət  “Azərsu” Ojə Səhmdarə Cəmiyyəti çe Boku Xəzər rayoni ğəsəbonədə bo ım mışğıli həlli ro tojə layihon icra bino kardəşe. Im layihə Mərdəkon, Buzovna, Ğələ, Şıvəlon, Turkon və Binə ğəsəbon əhatə bəkarde. Tosə ısət ım ğəsəbəonədə mərkəziə ovə şəbəkə mevcud bıə ni. Haliyədə Şıvəlon ğəsəbədə jıqo şəbəkə onodən ki, çey dırozi 9 km 800 metr bəbe.

Qıley ovə şəbəkən Şağan ğəsəbədə soxte nəzərədə qətəşone. Çey dırozi 3 km 800 metr bənine. Binə ğəsəbədə ovə şəbəkə dırozi 4 km 600 metr bəbe. Haliyədə Mərdəkon, Buzovna və Ğələ ğəsəbonədə ovə şəbəkon okırniə koon dəvom kardedə.

Umumən ım layihə Xəzər rayoni məntəğonədə 2 həzo kəy əhatə bəkarde, tojə okırniə ovə luləon 21 km dırozi bəbe.  Isət çe Buzovna və Turkon ğəsəbə kəonədə ov hisobkardə cihazon montaj kardedən. Im layihə inşa tovıstonə manqonədə bə orəx rəsənine.

Haliyədə “Azərsu” Ojə Səhmdarə Cəmiyyət çe Xəzər rayoni 8 qılə ğəsəbədə bə 35 həzo abonenti xidmət nişon dodə.

Çe “Azərsu” bə jimon dəvuniə ım layihə barədə məlumat “Faktxəbər.com” sayti bə cəmiyyəti nəzə rosniəşe.