Azərbaycan Respublika təbiiyə qazi bə Avropa ixracat omə soriku təşkil bəbe.
Azərbaycan Respublika natə şirkətdə sərmayə noeyu bıə idarə rəisi votışe:çı məmləkəti təbiiyə qaz 2020 nə sori 2 minnə niməku bə Avropa ixracat bəbe.
Bə Həğin.AZ xəbəriyə mərkəzi nəğli əsosi Ğəfğazı mədəniyə mərkəzi xəbəş do Vağif Əliyevi votəşe imtıvon kardə sorətədə Azərbaycan Respublika Şahdəniz meydoni təbiiyə qazi ixracat TAP xətiku ki cənub qaziyə dəhlizi qıləy baxşonkuy milady 2020 nə sori 2 minnə niməku bə nav təşkil bəbe.
əv əlavəş karde hal hazırədə Trans Aderyatik(TAP) xəti soxte bə domo eqıniyə ni və ım nəğliyatiyə system iyoli əvvəliku Azərbaycan Respublika bə Avropa təbiiyə qazi ixracat kardeyu hozzı bəbe.
Trans Aderyatik(TAP) xət de 878 kilometrə məsafə soxte ki Yunanıstan,Albaniya və Aderyatik dıyo jiyədə dəvarde bəpeştə bə İtaliya cənub rəsedə milady 2016 minnə soriku təşkil bə.
