Azərbaycan Respublikaədə Məsumə imomon(ə) zairon kontrol kare ğanun.
Azəri depetat votışe: ziyorəti səfəron məhdud karde iyən Məesumə imomon zairon şiddətinə kontrol ğanun Azərbaycan Respublika parlemantədə təsdiğ bəbe.
Bə İrib raporti əsos Azərbaycan Respublika kişvərədə anti islam hərəkəton dəvomədə ım kişvəri milləti parlemanti dini qrupon iştimai təşkilaton kamissiya rəis Siyavəş Nuruzov votışe: ome zəmonədə bə muğəddəsə vırəon Azəri şəhrvandon ziyorət səfər de tojə ğanuni həmohənq bəbe.
Nuruzov bə Azərbaycan Respublika şəhrvandon har sornə əzəmətinə səfər bə şiə imomon ziyorətiyə vırə işorəş karde və votışe: tojə ğanuni çərçivədə bə ım səfəri həmohənqəkə qrupon təşkilat doe bəbe iyən kontroli bəpeştə de Azəri şəhrvandon rabitə bərğərorəkəyon həm bəpe zınə bıbun.
Azərbaycan Respublika dıvlət dəvardə soronədə həm ım kişvərədə islam xusosi şiə məzhəbi simvolon məhv karde çərçivədə bo ruhanion nıtğ iyən mərasimon ozod dəvoniyə çandə məhdudiyətonış noə və hətto dindaron de pesoxtə bıə ittahamon həbs kardedə.
